يا سايق الشاص اللي يلمع
لا هو رمادي ولابني
جديد خارج من المصنع
عشرين عشرين عاجبني

راكب بها غرو يدلع
طالع بعينه وصوبني
من نظرته قلبي اتقطع
يا ليت الإسعاف يسعفني

حاولت احاكيه واتراجع
ولا تكلم خجل مني
يا صاحبي ليش ما تسمع

يا ليت يا زين تسمعني

قلبي من الصد يتوجع
والشوق با الحيل ذابحني
البعد والهجر ما ينفع
دخيل تفكيرك افهمني

حبك بوسط الحشا اترعرع
يا اللي بكم ما اختلف ظني
سبحان من صورك وأبدع
با الحسن والزين يا الفني
وجهك تقول القمر لا شع
وأسلوبك العذب يفتني