شوق يوم و شوق والله كل يوم
حب ساعة و حبنا .. طول الحياة
طحت في حبك ولا عرفت اقوم
طيحة اللي خاف من شيٍ وراه

المطر لا صبّ نسانا الهموم
روحي تحتاجه و تحتاجك معاه
و انت وجهك فيه شي من الغيوم
ارتوت روحي .. و بللها بماه

لا تلوم القلب ما عليه لوم
انت شيّ حلو يلفت الانتباه

انت حبك كوم والحياة كوم
صرت في كل شي وبكل اتجاه

ضحكتك فنّ و بـ نظراتك علوم
طاقة ايجابية و فيها حياة
الغلا يا سيدي ما هو يدوم
ما يدوم الا الله و محدن سواه

العمر مرة و لا تعيش محروم
وتحرم المشتاق من شيٍ بغاه
حبني و انا باحبك كل يوم
كل واحد يعطي من مالله عطاه