العيد هل و فرحة العيد لقياك
ياللي بشوفك تجعل العيد عيدين

عيدٍ عليك يعود وبعيد ذاكراك
تسقي هشيمٍ في ضميري من سنين

ياللي غيابك طال وانا اتحراك
بعد الفراق اللي حصل بين روحين


دارت بي الافلاك من بعد فرقاك
ومشاعر العشاق مثل المساجين

اطلق سراح الشوق و اقول لباك
انا معايه قلب ماهوب قلبين

معي خيالك وين ما رحت وياك

مع الجفا والهجر والصد والبين

طلة صباح العيد على محياك
مثل المطر من فوق خضر البساتين

والعيد هل وشوفتك لحظة ادراك
لبا ابتسامة و جهك و ضحكة العين

تكبر وتكثر في عيوني مزاياك
سبحان من كون جمالك من الطين

اللي حصلي عشرة اضعاف ماجاك
يالقاسي اللي شكلك الين من اللين

وخايف من اللي يبحثون ف خفاياك
لا ياصلون لحاجةٍ بين قوسين