ترى العتب في بعض الاحيان مرفوع
واسباب فرقا اللي تحبه تشابه
قريب لاكنه مثل حبه الكوع
اتحايل طيوفه والاقي سرابه
مرغوب لكن كل مرغوب ممنوع
ممنوع حتى مشيتي عند بابه
لو هو بئيدي جيتله غصب مو طوع
فاتحله إضلوع الغلا غير آبه


تواقدت له داخل اشواقي اشموع
شبيتها يمكن يرد بغيابه
بقفل الموضوع لا نصير موضوع
للي حكى فينا ولا احدٍ درى به
من شوفته مقطوع مقطوع اه مقطوع
مقطوع من كل شي ولا املك اجابه
الله يسامح من دعى بصوت مسموع
وخذته مني الدعوى المستجابه