من بعد إذن الشوق واذنك وإذني
من بعد اذن احساس صمته تمنّاك
امسح على قلبي واهمس بإذني
واحضن كفوفي كل ماحان مسراك

زدني غلا طالبك واحساس زذني
دام المشاعر والحنايا تحرّاك
ياكل هالدنيا … ويا جزء مني
العمر وشهو العمر لا صار لولاك



واذا نويت بلحظه اغيب عدني
وحرّص علي خطاي ماتباعد خطاك
خذني انا محتاج لي معك خذني
ماني بحاجه لي اذا موب وياك

مايرمش ان شفتك من الحب جفني
اسهى جميع الناس ولا لحظه اسهاك
يا توأم احساسي تكرّم وخذني
القلب قلبك والحنايا حناياك