لحب بلوى ولا في الحب ابد سلوى
الحب حاجة تعنيني واعنيها
لابد راعي الهوى يصبر على البلوى
عل وعسى الصبر في نفسه يقويها

مافيه نفس تحصل كل ما تهوى
الحظ والوقت والآيام تقصيها
ان عاش من دون خله وش بقى يسوى
تضيق في عينه الدنيا وما فيها

لويشتكي حالته من يسمع الشكوى

لا صارت الروح ما فيها يكفيها
ان قال ابنسى ترى ما هقوتي يقوى
ولو هو تناسى ترى ماهو بناسيها

الحب صفحة حقيقيه ولا تطوى
ذكرى وقلبه يحن لها وماضيها
باقي سنينه يقضيها على الرجوى
نفسه على الوصل واللقيا يمنيها

القلب ضامي عسى من شوفته يروى
يسقي عروقه ونار الشوق يطفيها