يا مسافر طال فرقاك وغيابك
يحفظك ربي وترجع بالسلامة
ارسل اشواقي الى حضرة جنابك
لك تحيات المحب ولك سلامه

وين وداك الحنين ووين جابك
منتظرك الين ما يوم القيامة
ما وصلك الشوق ما غطرف بـ بابك
يا عزيزٍ واجبٍ كل احترامه

مرحبا بك في محلك مرحبا بك
يا منى قلبي وهمه واهتمامه
لك غلا لك شوق متعدي سحابك

لك مكانً في الصدر عالي مقامه

اعشق ايامك وذكراك وترابك
والزمان اللي جمعنا بابتسامه
كم تمنيت وتمنيت اللقا بك
نوح صدري مثل ما نوح الحمامه

شالني طيفك ورجعني سرابك
ما على المشتاق ذنب ولا ملامة
طال صبري واه من وقتن غدا بك
خابر ان اللي صبر يلقى مرامه
وان كتب ربي لنا عمرن وجابك
طاب حالي والجفن عود منامه