انا لي خل ماري به واحبه صدق واتباها
وكل انسان له روحٍ تود بقرب غاليها
اذا منه بغى عيني عطيته صافٍ ماها
واذا منه بغى روحي ترا فدوت لياليها

الا من وين ما تبغي تمنا وانت تلقاها
اسوق الروح في شفك وتعبها واشقيها
ترى روحي وهي روحي تبين خافي اقصاها
وعيني تكشف اللهفه الا يا كيف بخفيها

اموت برمشه الهادي وموتي من ثناياها
واذا منه تبسم لي احس الروح يحييها

اشوف الكون في وجهه وفي رسمة محياها
واحب حب من قلبي وزادتني معانيها

غدت روحي تحب اشياء يبغيها ويهواها
كثير اشياء من حبه على شانه اسويها
لطيف الطبع من ربي وهذي من مزاياها
تحب الناس يالنيه وهذي من مباديها

عيونه تقتل العاشق وانا واحد ضحاياها
ولا قد شافت عيوني ابد حدً يماريها
دعية الله من قلبي وقلبي اللي تمناها
دعية الله من قلبي عسى ربي يخليها