ايه صد – متعب بن دخنه

كل ما هبت على صدري نسانيس الهبايب
وابتدا ليل الحزين اللي همومه سرمديه
ترجع الذكرى على اللي فاقدٍ وصل الحبايب
ما بقى له من سنين الوصل ولياله بقية

بعد ماقفى حبيبه مل من دنيا العجايب
ما توقع دورة الايام طعنتها قويه
ايه صد ومالقيت لصدة الغالي سبايب
لوح بكف الوداع وعاد نار الشوق حية

اتعزز واخفي الضيقة لو ان القلب ذايب
ضقت من حر الوداع وضاقت الدنيا عليه
كيف وضع الليل ما دام القمر بالليل غايب

والمشاعر تستلذ النور وتحيي مجيه

هاجسي من بعدها بالله يا ويش انت جايب
طف نار الشوق باللي وصفها ما شفت زيه
مهرة من طيشها تلعب على متن الهبايب
دونها سلم الشيوخ وخلفها روسٍ عصية

سامح الله قلبها ما كان فيها الظن خايب
لين راحت روحه ياللاسف من غير جيه
ذكريها كل ليلة يا نسانيس الهبايب
لا تقصر بالحزين اللي همومه سرمدية

كلمات: حمد ال سالم

2019