ايه اعشقك عشق ماله حل يا ابن الحلال
لاني بجاملك في هذي ومن جد ابيك
توسد الغيم وارقد وارفض هذا الجدال
واتركني امسح على خدك واسمي عليك

‏ارجوك حاول صدقني وترتاح بال
و الله ما لك بقلبي يا حبيبي شريك
يا لذة العمر واحساسه فديت الوصال
فديت انا عيونك الثنتين هذي وذيك

‏اتخيلك كل ما غابت ومال الظلال
واتخيلك في الكثير من الوله واحتريك
واعيش داخل تفاصيلك على كل حال
واعيش لاجلك ومعك وبك وعندك وفيك


ارجوك حاول صدقني وترتاح بال
و الله ما لك بقلبي يا حبيبي شريك
يا لذة العمر واحساسه فديت الوصال
فديت انا عيونك الثنتين هذي وذيك

‏عطني من اقصى حنانك شف لقلبي مجال
او ضمني في دفاك و خلني بين ايديك
قرب و شف صورتك بالقلب قرب تعال
قلب من اصدق عروقه بالوفا محتويك

ارجوك حاول صدقني وترتاح بال
و الله ما لك بقلبي يا حبيبي شريك
يا لذة العمر واحساسه فديت الوصال
فديت انا عيونك الثنتين هذي وذيك