لو ما حصل لي نلتقي ما يخالف
حسّك يكفّي لو بدقّة خطاويك
جنبي تمشى ولا توقّف سوالف
ياللي تعابيرك تزيد الحلا فيك

مشتاق كلّي وانت واحشني كلّك
انت الوحيد اللي ابد ما املّك
اللّٰه يجمع شمل ظلِّي وظأك
ويحقق احلامي ويتمّم امانيك


ما همّني إلا عيوني تشوفك
في ذمتي تهواك وتعشق وصوفك
هذا اللي اقدر به واقدّر ظروفك
راضي ومكفيني وجودي حواليك

شوق اللقى ماهو مثل شوق عيني
لازم تحسب حساب كلشي فيني
شنهو يفكّك منها ضمّة يديني
اللّٰه يعينك ساعة اللي الاقيك