ياحبيبي والشعور ابلغ من وصوف الكلام
وكل حرفن في غلاتك عانق حدود السما
انتي شيء لو وصفته هلت امطار الغمام
يفرح الديم بوصوفك ومنك شي يستلهما

يا رقيقه
انتي عجبه عاشت إمبين الانام
من عذوبتك
الفريده كن مخلوقه بما
في شموخك يبلج النور ويودع هالظلام
والثرا تنبت مروجٍ بالنفل والأخزما

ياغرامي والشعور وصوف الكلام
وكل حرفن في غلاتك عانق حدود السما
انتي شيء لو وصفته هلت امطار الغمام

يفرح الديم بوصوفك ومنك شي يستلهما

يستحي وجهه الزعل لو يشوفك بابتسام
ويبتسم وجه الرضا ومن ودادك يُنعما
انتَ حبك لي حياه أعيشها بأمن وسلام
تنسجم روحي وروحك مع مرور الأنسما

ياسنا دار الظبي وياغلاها والغرام
المحبه في فوادي بالولا لك تقسما
كل شيً في الحياه وله حكايات وهيام
واجمل احساس المحبه فيك ياعذب اللما

ياغرامي والشعور وصوف الكلام
وكل حرفن في غلاتك عانق حدود السما
انتي شيء لو وصفته هلت امطار الغمام
يفرح الديم بوصوفك ومنك شي يستلهما