كمل جميلك وحطم فيني الباقي
هو انت خليت لي شي ماحطمته
دامك تلذذ لتعذيبي ولاحراقي
وش يمنعك والقسى منك تعلمته

مايزعجك لو تشوف الدمع بحداقي
حتى ولو عن طريق الكذب جاملته
يعني ماقدرت حبي لك واشواقي
والليل ياللي عشان ارضيك مانمته

يمكنها غلطتي يوم اكشف اوراقي
واسلمك قلبي لو ادري ماسلمته
لكن بسيطه تبي تندم على فراقي

ولا يذبح الصامت احيانا سوى صمته

سلمت لك قبل روح الروح خفاقي
ولا صنت روحي ولا قلبي بعد صنته
الله ياكبر جرحن حل باعماقي
والجرح من كف غالي ماتوقعته

كان الغلا ورد غالي وكنت انا الساقي
لاطلت عطره ولا خنته ولا بعته
الله لنا والبقى في قلبي الراقي
والبعد والله صعب مهما تساهلته