في نوع من البشر يخطي واذا الموضوع عدّى
لأسف مايستحي بالعكس يزداد التمادي
ويستفزّك لين تغضب وان غضبت يقول إهدأ
ماكأنه مستفزّك ألف مره وأنت هادي

يجبرك تخطي عليه ولا حصل هالشئ يبدأ
يتّهمك إنّك جرحته جرح ابد ماكان عادي
وتقعد تحاسب ضميرك بعد ماتخطي
والأجدى إنّك توجه ملامك للذي بالجرح بادي


تعتذر منّه بلطف ويحسب انّه فيك أقدى
وانّك بدافع ندم مدّيت له بيض الأيادي
وأنت عندالله تدوّرها وهو مهما تردّى
يشعر انّه دوم صحّ وراعي أخلاق ومبادي

شفت هالنوعيه من الناس يابن الناس تفدى
ظفر رجلك بسّ حقّق يابعد رأسي مرادي
ولاتصير أرجوك منهم وأتّبع وياي مبدأ
إتقي شر الحليم وكفّ عن بعض التمادي