سم واسلم ولبيه
سم لبيه وامر
قلبي لا لا تجافيه
يا لطيف المشاعر
الغلا كيف تخفيه
وانت فاهم وخابر
ان عيونك تبديه
لو قلبك يكابر

عاشقك قال يا هيه
قال يا هيه! ناظر
ناظره لا تخليه
في عيونه عباير
يا حبيبه وغاليه
يا وسيع المحاجر
كلمةٍ منك تكفيه
كلمة وجبر خاطر

يا مهد التهاتيه

يا مرد المسافر
يا مهدي المشاريه
يا معدي الاوامر
يا مقدي المعاتيه
يا مردي الاكابر
صاحبك لوتحاكيه
ضيع العمر حاير

انت جرحه وتشفيه
انت لوغبت حاضر
صد عنه .. تبكيه
لد فيه .. ايتباشر
المسا منك يسريه
والضحى فيك ساهر
والمطر وش يطريه
صوتك بكل ماطر
حسك اقرب لاذانيه
من دوي المعابر
ابتدى فيك اغانيه
وانتهى فيك شاعر