كله منهم كبروها براسه
كله منهم غيروا بإحساسه
صار ما هو الأولي
اللي يزعل لزعلي
صار يتحفظ معاي
وإبتدى يثقل عليّ

المحبة ما يبي طاريها
هو كذا شكله يبي ينهيها
لا ذكرت محبته
أتكاثر صدته
وأرجع لنفسي وأقول
والله ما هي عادته


ان تركته احترق بغيابي
وان تواجهنا لعب باعصابي
ودي اتجاهل غلاه
وان حكى ما احكي معاه
بس هو ساكن بقلبي
وعارف البير وغطاه

القساوة باينة بعيونه
كل ما أشكي تزيد اطعونه
قام يتباهى بجفاه
ويتمادى في خطاه
ويتفنن في عذابي
ويبتسم لا قلت آه