like-empty

كلمات

klmat.com

sun

كاس مسموم

دمعي وسط عيني حبسته
وانبت على وجناتي اهموم
والغالي اللي ماجرحته
بيده سقاني كاس مسموم

وش قال! قال إني خذلته
وأنا لعينه محارب النوم
المشكله ب أذني سمعته
محد حكالي عنه اعلوم

اسمه على وسادي كتبته
ونمت احلم فيه كل يوم
بحر الشقا كله سبحته
لو كان مالي فيه مقسوم

بدر الدجى خلي نظرته
لاكن بيني وبينه غيوم
بيت الغلا لو ما هدمته
ابنيه لا يلحقني اللوم

لو له عذر أنا عذرته
على الهجر والصد ماروم
مقساه قلبه لي عشقته
ويا طيب قلبن منْه محروم

وجدي على غالي فقدته
عد الصحاري وعد لنجوم
شلت الأسى والشوق شلته
واليوم مقدر منه آقوم
like-empty