قلبي ومفتاحه – فريد الاطرش

قلبي ومفتاحه

قلبي ومفتاحه دول ملك ايديك
ومساه وصباحه بيسالني عليك

كان حبك شمعه في يوم عيدي
وطفاة دمعة وتنهيدي
من يوم ما ايديك لمست ايدي
وكانك قلت يا نار قيدي

ومادام مشغول يا حبيبي
مش كنت تقول يا حبيبي
ده القلب جراحه من رمش عنيه
ومساه وصباحه بيسالني عليه
قلبي ومفتاحه دول ملك ايديك

يا حبيبي يا ريت ابقى حبيبك
واكون من بختك ونصيبك
دا انا مهما بتقسى برضه راضي بك
وتسبني الروح قبل ما اسيبك

قلبي عمل ايه يا حبيبي
ليه تقسى عليه يا حبيبي
وحشته افراحه من شوقه اليك
ومساه صباحه بيسالني عليك
قلبي ومفتاحه دول ملك ايديك

ياللي ما يصعبش عليك غالي
وفي بحر هواك الموج عالي
والكلمة الحلوة اللي في بالي
تحرم لو غيرك قالهالي

قلبي الحيران يا حبيبي
وعيني كمان يا حبيبي
هجروني وراحوا من شوقهم ليك
ومساه وصباحه بيسالني عليك
قلبي ومفتاحه دول ملك ايديك