قبل ما تجرح و تظلم و اتبلّى
إسأل اللي عمره ما خيب ضنونك
همّ حكوا لك إنه يلعب و يتسلى
وأنت ما تكذب خبر صدقت يخونك

تحكم بأذنك وربي خالق عيون
ما هي حلوه تتبع اللي يعذلون
ليه تخسر شخص لك وافي يصون
والسبب لأنهم على خلك يحسدونك


لما شفتك عادي تغفى وأنت ظالم
قلت اروح بعيد عنك وابقى سالم
ما قدرت اصبر وجيتك بالغنايم
شوقي و قلبي و جرحي يفقدونك

شوفني انزف ولكن فيك راضي
ما اعاتب ضمني وانسى اعتراضي
لو بعيني متهم في القلب قاضي
اخسر احساسي ولا اخسر عيونك