لوتبيها بالمشاعر والاحاسيس الكريمه
اللي يطلع من شعوري ماني قايل رجعه
كل بايع في طريقي لو يقاضيني بقيمه
ان نويت ادفع حسابه اترك الباقي معه

لوتبيها بالمواجع والخيانه والشتيمه
مابقى لك شي عندي تقدر انك تجمعه
صمتي في نظرة عربنا رمز للحاكم وشيمه
وانت في نظرة عربكم صمت غافل وامعه

لوتبيها بالتمنن سابق الخير وزعيمه
لوسبقني الخير مرره مرتيني بأربعه
الحساب اللي تقفل والفواتير القديمه
تثبت ان الحق عندي وتاركن حقي سعه


لوتبيها بالمعارك لاتناظر للهزيمه
يمكن المغلوب فايز وانسحابه يرفعه
واني لى مره بحارب وارسم الخطه العظيمه
ماتفرحني مضره بانتقام وزعزعه

لوتبيها بالسوالف بالتناجي والذميمه
اقطع لساني لو اني كنت عاجز امنعه
اربع الوجهات دربك لو لنا صدفه عقيمه
بختلق خامس لدربي روح كل الاربعه

لو تبيها بالتراضي والتساوي بالظليمة
عاذرك وأشكر جهودك عشت رحلة ممتعة
ما أبي رد الجمايل من ليالينا القديمة
طير حرّ لو بهاجر ما تهم الأمتعة