شف حال جرحي مبتسم من سواياك
حتى الجرح لا شاف وجهك يهلّي
جدا غريبه حالة القلب واياك
اضحكتني وابكيتني ويش حصل لي
ما عاد لك شي معي غير ذكراك
وشوي من عطرك به النفس أسلّي
الله يحلّي بالصبر مر فرقاك
والصبر دايم كل مرٍ يحلّي

اشتاق لك فعلا واقدّرك واهواك
كم صرت بعدك فاقد الروح كلّي
ما زلت احبك واعشقك وآتمناك
وان جيت في بالي ابسجد وأصلي
ارجوك لا تسمع اذا الجرح ناداك
لو أبْتِسم للجرح او يبتسملي
ابعد ولا ترجع وانا اوعدك بانساك
ولا فادني يوم الندم انت قلي