فيك طبع الفضول – مزعل فرحان
فيك طبع الفضول وفيك طبع الغرور
والله اللي تعالى في سماه وعلا
من عرفتك صغير فيك حب الطهور
همك إنك تعلى فوق كل الملا
لا تكابر وأعذرك وأنت منت معذور
هاجسي في طباعك يا ظبي الفلا
خايف افقد شعوري واتزاني وأثور
وأمسحك من حياتي لو بغيتك غلا
في كفوفك وكفي لا تموت الزهور
أسقاها تنتعش لك بالتواضع ولا
والله إنك ملاك في جميع العصور
فتنة في جمالك يا هلا بك هلا
غرك إني أحبك وغرك إني غيور
وغرك إني رفعتك في حياتي سما
أحترق لك قصايد تحترق لي حضور
وإن مدحتك تخايل وأنت كلك حلا
تكلمي قولي وش اللي تبينه – مزعل فر