like-empty

كلمات

klmat.com

sun

غريب والله غريب

غريب والله غريب .. كلمة تجي من صحيب
ياناس شي ٍ عجيب .. ضاع الوفاء والجميل

صبرت صبر الجمل .. ياناس كيف العمل
خاب الرجا والامل .. صار الوفاء مستحيل
ازعلتني يا حبيب .. من دون حق مصيب
والله علينا رقيب .. حسبي ونعم الوكيل

وان جيت قلنا هلا .. وان رحت كل ٍ سلا
بالناس زين وحلا .. تلقى وانا القى بديل
القى وليف وصديق .. في كل حزة رفيق
صدري معه ما يضيق .. هرجه يداوي العليل

القى عشير ٍ وفي .. عن كل مغرم خفي
فيه اقتنع واكتفي .. قليل وجنسه قليل
القى محب ٍ صدوق .. يفهم جميع الحقوق
في عشرته ما يموق .. قلبه لقلبي يميل

ولا تعدى الحدود .. جزى الصدود الصدود
كأن ماله وجود .. ماله عليّه دليل
واصبحت عذري وسيع .. في الحب ابشري وابيع
واللي لقلبي ربيع .. خلي وانا له خليل
like-empty

كلمات محمد عبده

جاري التحميل...