على العهد باقي وللحب باقين
اصل المفارق ماحسبنه حسابه
ياصاحبي وين انت رايح على وين
جرحي عميق وزايدن بالتهابه

تقفي وتدري ماتبع الي مقفين
تصد وانا مالقيت الاجابه
ابغي اوصلك رسالة محبين
قفو وانا لي من وراهم طلابه

الوصل نعمه والمفارق عما العين
وحظي معك بذات ماينعدابه
هموم فوق هموم والحزن والبين
في كل ليلن فوق راسي سحابه

حالي نحل والقلب فجر براكين
كلام من يغليك جاك بخطابه
انا تراني صرت ضمن المجانين

من عقب صدك عايشن في كابه

عزاه ياقلبي ويا حالي الشين
عزاه ياجرحن نزف من صوابه
لاغاب عني زود الجرح جرحين
وارقب طوال اليل جاري الكتابه

امسح شطر واكتب شطر واسهر الين
يبين نور الصبح ويفج بابه
انا تراني من رجالن مسمين
انشهد ان لي في المواقيف لابه

لانتبع المقفي ولا حن براجين
مانتبعه لو كان طول غيابه
وانتي ترا بنت الشيوخ السلاطين
اهل المواقف والقسى والصلابه

من له يشوف بعين مالد له عين
لو كان غالي مارجينا جنابه