سحابة حب – محمد عمر

سحابة الحب الكبير امطريني

رشّي بماك العذب يابس نباتي

صرتي مع الأيام منّي وفيني

وصارت بدونك ما تساوي حياتي

ان كانها تسمح ظروفك عطيني

تكفين خلّي عنّك البخل.. هاتي

فيك الأمل معقود .. لا تخذليني

بانك تعيدي روح باقي شتاتي

وانا الذي قدْمت لك نون عيني

من هو يسوي مع حبيبه سواتي؟

مدّي يدين الحب هاذي يديني

غديت كالعميان ضاعت عصاتي

ارجوك انا محتاج لك ساعديني

لا من ضواني الليل جاني مماتي

مابغى بكاك ان مت لا تذكريني

ان كان عندك شي عطني حياتي