سؤال يطرح نفسه
اتريد توصل وين
كل الحواس الخمسه
مابينهم نارين

الليل يذبح همسه
ليت النهار يبين
الحب ماهو رمسه
الحب عطف ولين

الشوق تشرق شمسه
والحر وعده دين
يومي يشابه امسه
ما ييتني للحين


كل حد عليه ابنفسه
لا تسمع الواشين
حبك في قلبي غرسه
انته هنات العين

ابصم انا بالخمسه
ماشفت منك اثنين
مالبدر ماخذ لمسه
لون وجمال وزين

رمشك يتوه حبسه
خدك زهر برلين
جف القلم عن طرسه
وصفك يباله سنين