تنتخي بي وانا قدامها منهزم
ماهو ضعف البلا في قوة عيونها
قالت آه وتحرك فارس ما انهزم
واحتشد جيش عاشقها ومجنونها

صرت للي يفكر في زعلها خصم
تبشر بعزها ماخابت ظنونها
لاجلها والله اني لاقف لكل هم
وان تبسم ثغرها صرت ممنونها


كل شي مهم الا رضاها اهم
فرحي افراحها وشجوني شجونها
ماتطيب الحياه الا وهي تبتسم
تزهر الروح لامن هلت مزونها

مالعمري بلا بسمة شفاها طعم
وما لقلبي فخر لو ماوقف دونها
انتصر لاجلها لو كنت انا منهزم
دام مافيه سحر اقوى من عيونها