العمر من دونك مجرد فراغات
قصة حنين وحزن ماهو شويه
زحمة حكي في داخلي تخفيه آهات
فيها تفاصيل التعب والأسيه

مالي بأحد غيرك أبيك انت بالذات
يالأول وبعدك يجون البقيه
ولا ذكرتك يوقف الوقت في لحظات
يعطيك من صادق شعوري تحيه

كنا سوا كنا هنا وأجمل الأوقات
مرت عليك انت ومرت عليه
كنا حكاية غير كل الحكايات
قلبين تنزف حب ماشفت زيه


كنا برمش الليل نرسم مسافات
دروب فيها مامشينا سويه
كتبت بآخر صفحة الوقت كلمات
خلتني أنسى كل لحظة هنيه

هي كذا الدنيا فراق ومعاناة
مابين روحه في حياتك وجيّه
العمر دونك مجرد فراغات
قصة حنين وحزن ماهو شويه

زحمة حكي في داخلي تخفيه آهات
فيها تفاصيل التعب والأسيه
مالي بأحد غيرك أبيك أنت بالذات
يالأول وبعدك يجون البقيه