الدنيا قاسية اتشقلبت بيا في ثواني
فتحت عيني لقيتني فجأه في دنيا تاني
وحشتني نفسي واهلي واخواتي و مكاني
هون يارب الغربة صعبة مموتاني

ربنا علشان عالم بيا
مش هيشمتكم يوم فيا
قادر يا كريم تسمع ليا
وتنجيني
انا عارف انك مش هتسيبني
وبلاك معناه ان انت حاببني
دانا طوب الارض بيحاربني
طالع عيني

اه من الحياة بقى كل دا كان مستخبي
انا مش بخير والصدمة هتوقفلي قلبي
غرقان في بحر دموع مفيش ولا حد جنبي
مبقاش خلاص بإيديا غير اني ادعي ربي

مش عارف انام من تفكيري
ولا حتى بقرب لسريري
مظلوم ولا عارف ايه مصيري
نفسي نسيتها
مصدوم من كتر اللي حصلي
واللي انا بسمعو وبيوصلي
حد يفهمني يفسرلي
ايه اخرتها

العجل لما يقع بتكتر سكاكينو
وكأنهم كانو بالسلاح مستنينو

الغدارين متحولين لكلاب مالينو
سانين سنانهم ليل نهار ومقطعينو

كلو بينهش مين بيسمي
عايزين ياكلوني وانا متغمي
شايفيني وانا بينزف دمي
ومش راحمني
بالحياة لو طالو يدفنوني
من بكرة في تربة هيرموني
ويجيبو صوان و يعزوني
الله يعيني

فارقني ابويا وسابلي كوم لحم في رقبتي
من يومها انا اتيتمت و ماعشتيش طفولتي
واخدني بالظاهر ومش عارفين حقيقتي
بسبب عنيكو على النجاح بدفع ضريبتي

انا قصة الناس بتألفها
دايرة بتتكلم على كيفها
هي الكواليس مين بيشوفها
اه يا حول الله

بيقولو اشهر شاب في مصر
ومحقق احلام العصر
عامل ملايين و صاحب قصر
ولعانة معاه

معايا كام معايا رب اسمو الوكيل
فوضت امري اليه وبحالي صبح كفيل
اللي معاه ربه ماشفش المستحيل
قادر يذيح الهم والحمل التقيل