قلت المطر قالت من الـيوم ديمه
ما به رعد لا برق ما غير هتان
عشق جمع ما بين قـاع وغيمه
سيل على صدر الثرى دمع الأمزان

همس النديم اللي يعاتب نديمه
صوت المطر كنه تعاتيب خلان
تبسمت لأجل اللـيالي القديمه
وقالت تذكر قلت يا بنت نسيان

نقض الجروح اللي تشافت ظليمه

لا عاد به وصل ولا عاد هجران
ما للرجا في بعض الاحوال قيمه
و ما للعمى صبح ولو بات سهران

لو للزمن عن نية الغدر شيمه
ما فرق احباب ولا بعّد اوطان
لاشك وينك يا القلوب السليمه
اللي تجازي عن خطا الخل غفران
كلن خصيم وذاق لوعة خصيمه
واللي خصيم الوقت يا بنت خسران