قرار شخصي رقم واحد
‎وما تفكرش تحاسبني
‎أنا مش هجري ورا حاجة
‎عشان أعصابي محتاجة
‎أعيش بطريقة تناسبني

‎باصالح نفسي على نفسي
‎وماشي العمر تدريجي
‎وباخد سكتي عادي
‎مافيش أحلى من العادي
‎وتيجي زي ما تيجي

‎محصلة بعضها الدنيا وفرقها مش مهول
‎ولو سألوني يوم عنها أنا مضطر أقول

‎مافيش حاجة بتستاهل أكون فرحان أوي جداً
‎أكون زعلان أوي جداً
‎أكون قلقان أوي جداً

‎وباتصاحب على الأيام
‎وييجي الليل وقبل ما انام
‎أفكر عايز ايه تاني
‎اقول ولا حاجة نقصاني

‎أنا مرضي وكله تمام

‎يهل النور اقول سلامات
‎بحب اللحظة دي بالذات
‎تعالي يا دنيا نتسابق
‎ومين يكسب ماهوش فارق
‎بتشبه بعضها الحكايات

‎تبوخ دنيتي أضحك ولا باسألها ليه
‎وبسأل نفسي لما اكسب
‎خسرت قصاده ايه
‎مافيش حاجة بتستاهل أكون فرحان أوي جداً
‎أكون زعلان أوي جداً
‎أكون قلقان أوي جداً

‎ما باهربشي وأهرب ليه
‎أنا اخترت الحياة تتعاش
‎وباتعلم طريقي منين
‎وما تعلمتهاش ببلاش
‎ما خليش حاجة تملكني
‎ولا حاجة تبكيني
‎ولو جت حاجة تجرحني
‎هييجي يوم تقويني