ع ساحة البرج – ملحم بركات
ع ساحة البرج طلع الشجر البرّي
ع ساحة البرج أكل العشب الحيطان
أكل الأصوات وعتق الزمان
ع ساحة البرج سكّر الوقت المداخل
وما بقى يمرق حتى النسيان
يا حبيبي احكي لي ويني مطارحنا
يا ترى هي راحت أو نحنا اللي رحنا
احكي لي بعد احكي لي على سوق الصياغين
ع خواتم العرايس ع أساور الحلوين
عاليمام الأليف اللي كان اللي كان
يقرا معنا الجريدة ويشرب من الفناجين
يا ساحة الماضي والأيام اللي أصفى
ياللي حدّي انت وياللي صرتي المنفى
انطريني أنا جاي جايبتلك غنّيات
جايبتلك فرح الفوضى زمامير التكسيات
وللدوري اللي قاوم وما فل وما فل
هدايا من حبيبي قمح وشعر وسلامات
لا يوجد تعليقات حالياً