طواري الشوق يطويها الرحيل
مثل مايطوي الصبح الضلام
على ذكراه والماضي الجميل
ذبحني الشوق واتعبني الهيام

انا والحزن والليل الطويل
نهايه كيف يوصفها الكلام
خفوقي مايبي غيرك خليل
يبي وصل ومحبه واهتمام

رف بقلب من اسبابك عليل

بعد ماكان عايش في سلام
جفيت الي متلقى له مثيل
ما وادعته قبل مسك الختام

اذا فكرت ادور لك بديل
كسر قلبي حنينه والغرام
مدام ان المواصل مستحيل
تمنيت الوصل لو فالمنام
عيون مرها الحزن الثقيل
ماعاد يهمها نوح الحمام