كل شيٍّ تمام ابشرك الّا
خاطري ضايق شويّ و ما هو ب اللي
اثر الايام ما تصفى لحد كلا
يوم للضيقة القشرا و يوم ن لي
يا صديق العمر ولّى العمر ولاّ
بس معك العمر عادي لو يولّي
انت شيً ما هو ب يضيع و يخلّا
انت مثل الذهب لو ضاع ما خلّي
ودي احكي و اخاف تقول يتسلى
ودي اسكت و اخاف تقول متسلي

الزمن حط فيني لين ما خلا
صرت مبلي و احس الوقت متبلّي
ودي ان البشر ما عاد تتبلى
لا صديق ن يبور و لا جفا خلّي
واحدٍ كنت احبه قبل يتغلى
زاد فيني غلاه و صار متغلّي
ما تخيلت ب انه يوم يتخلى
و ما تخليت و انا ادري انه متخلي
كنت له مثل ظلّه بس ما ظلا
راح ما باقي الا طيفه و ظلي