انا اللي لا شعر بالهم ما يرتاح ... الين يسولف لغاليه عن همه
بقول اللي بقوله والقلوب صحاح ... عشان أوفي لنفسي وأبري الذمة

ينامون العباد وتسبح الارواح ... وأعري صدري النسناس وأضمه
مع قلبن من حدود الوفا يمتاح ... بنى بالصدق حلمه وبلعمر دمه

انا اللي لا شعر بالهم ما يرتاح ... الين يسولف لغاليه عن همه
صديقي ماني بطير على الملواح ... لا جته سانحه بتمر من يمه
أعدي زلتك وأعدها يا صاح ... حصاة زل فيها السيل من قمة
وش اللي يحرم الظلمة من المصباح ... وانا ازهد في الخطا وستقبل اليمة

معي وردة عتاب وعطرها فواح ... ما شميته وانا منتظرك تشمه

بقول اللي بقوله والقلوب صحاح ... عشان أوفي لنفسي وأبري الذمة

ترى صوتك مفازة واللسان سلاح ... اذا ما تحسن استخدامه انطمه
لا يغريك الكلام ان شفته برقه لاح ... تحسب ان لي لسان ينقل النمة

ترى ماني اللي لا خويه راح ... يسولف فيه عند الناس والذمة
خوي لا تعثر في الزمان وطاح ... أوقف وقفة تحرج بني عمة

أقدم له يديني والليالي شحاح ... ولو مانيب من لحمه ومن دمه
ومن دون القريب ان صار زرق رماح ... انا رجال منكم ماهي لا كمه

اذا للطيب بير يارده مياح ... كبود الأقربون أولى من الجمة
اذا للطيب بير يارده مياح ... كبود الأقربون أولى من الجمة