حب جديد وقصيدة عشق مجنونه
الله يحيك ياحب لفى توه

حب لكله وحبٍ بس لعيونه
حبين باقصي خفوقي بس له هوه

ايه انصتي ياشجون الروح ممنونه
جاني رقيق المشاعر ناوي الخوه

جاني حبيبي وعمري فرحة غصونه

ربيعها يوم سال السيل من نوه

يوم انهمر لي حنانه باعذب لحونه
قلت الله الله صفا جوي على جوه

والله لاحبه ولو حظي وقف دونه
مافيه قوه تصد الحب بالقوه

بس انتظر يازمن لين اعلن المونه
ومن بعدها اللي تسوي يازمن سوه