like-empty

كلمات

klmat.com

sun

مثل المستحيل

أخر عباراتي وداع وأخر مشاويري رحيل
جيتك وبي لفحة ضما وأقفيت كبدي ناشفه

أصعب كلام أصعب خبر صرخه عقب صمت طويل
مثل الهدوء اللي سبق لحظة هبوب العاصفه

وأنتي بمتناول يدي تبدين مثل المستحيل
في عشرتك صوت العقل يقتل طموح العاطفه

الحب ماهوى كل شي اليا وقف حظ بخيل
قلوبنا مثل العسل بس الظروف مخالفه

لا للندم لا للعتب أوشي من هذا القبيل
وأنتي ماجا منك خطا حتى تقولي أسفه

من غير ليه أستسلمي وأستلهمي صبر جميل
ولا تسألني وش جرى مالك بطول السالفه

قولي لهم ياعزوتي ماعبنا موت النخيل
اللي يوافيها الأجل وتموت لكن واقفه

أخر عباراتي وداع أخر مشاويري رحيل
جيتك وكبدي ناشفه وأقفيت كبدي ناشفه
like-empty

كلمات مساعد الرشيدي

جاري التحميل...