انا السلام اللي من القلب ل الأيد
وانت السلام اللي من الكبر ضافي

ماكنت لك عادي انا كنت لك عيد
ولا كنت لي غير العتب والتجافي

خذني على قد الهوا والمواعيد
انسان لو يعطيك ماقال كافي

انا الزهيد ان قالو العالم زهيد
يمشي معك بالحب لو كان حافي

من العذر جيتك معي ألف تأكيد

وقابلت عذري بالعتب والتنافي

ماكنت لي سيد ولا كنت لك سيد
لان المحبه وصلها بالتصافي

مشكلتك انك تعتبرها من الجيد
مع الأسف كنت احسبنك سنافي

عيش الكبر عني من بعيد لبعيد
لا تختبر صبري واشوفك خلافي

والله لو اكسر على عشانك الإيد
ما بين بعينك ولا قلت وفي