ادعي الله يشل اليمنى البخيله
لا تمد ولا تعين ولا تعاون
تستلذ المال كسابة فشيله
في مواجيب الرجال الها تهاون

والشحيح نشوم وندور بديله
والله انه مايجي جنبي معاون
علموه يروح ويدوّر مثيله
كلّ نفسينن على مله تخاون

خوتي مع كل طيّب ينعنيله
وقفته تبري كبودن ماتداون

اجنبين كان والا من القبيله
دام فعله عقبه جروحي تشاون

والمخاوا يارذيله يافضيله
والطباع اضداد مايومن تساون
احدن ان طريت مطريلك رذيله
والرجال وجيهها لاسمه تلاون

واحدٍ ان طريت لا النعم بحصيله
رجل خير ودايم يعين ويعاون
لا طلع مطلاعه بعالي طويله
مابها غير الذياب اللي تعاون