عن الي صار بغيابك اذا يدرون ماتدرين
تعالي ودي إني اشتكي لعيونك غيابك
خذيني والله إن عمري على احضانك ثلاث سنين
ماعلمك الحنين الي يوقفني على بابك

تراي الي رمى عمره ورى عمره عشان تجين
ياكم طاري يجيبك جيت له كلي ولا جابك
يغنيك السهر في كل ليله ياقمر تشرين
كتب ربي احبك ماكتب لي اكتب كتابك

تعتق بالي بذكرك وانا الي منتظر بعدين
ياخوفي: كان قللتي غلاي بقلة عتابك
إذا تسمح ظروفك او ماتسمح ابيك الحين
ياوجه الله على ضمة يديك وخمر عنابك


تمرين وتوقف كل حاجه ! لحظة تمرين
تمنى لو هي الي كانت اغراضك او احبابك
تصافحك اليدين ولاتحس انها بعدك يدين
بتورق من مصافحك وملاقاك وترحابك

تبسامك حياة وشوفتك نعمه وحكيك لين
يحييك المكان الي تجينه ويتحلى بك
عيونك شوفي عيونك وقولي لي وش تشوفين
ماغير اعجابك بهذا الجمال بياخذ اعجابك

عليه من السلام الي يطرا لين يوم الدين
وعلي الي علي من الحنين الي تغنى بك
حبيبة قلبي الاولى ووحشة هالغياب لوين
شقول لقلبي الي مات بك من قبل يحيابك