هدي نفسك واترك الهم لحبيبك
ضيقتك ما ودي تأثر عليك

كل ما بالدنيا يحصلك نصيبك
لا تفكر دامني عندك وأبيك

الليالي لوهي راحت بك تجيبك
والسعادة مهما تنساك بتجيك

غمض وخل الحياة تعيش طيبك
وكل شي عايش ترى منك وفيك


خل كل العمر هذا يحتفي بك
وحط ايديني حبيبي في يديك

الغلا فيني من الله يلتقي بك
والمحبه كل ليلة تحتريك

إن بكيت الدمع عمره ما يعيبك
بكي عينك هذي واضحكلي بهذيك

انت بس ارتاح ما دامي حبيبك
لا تخلي همك يأثر عليك