كلامه ف بُعده كان مُقنع ومترتب
دا حافظ صم بيقول ايه
باينه سهرله كام ليله وغاب يحسب
عشان ممسكش غلطه عليه
لكن على ايه
مفيش في الفرقه اى كلام وله معنى
لا لوم ولا ليه ولا اشمعنا ولا اى التماس لرجوع
واياً كانت الاسباب مهش فارقه
محدش مات من الفُرقه ولا مستاهله أي دموع
في ناس تنساها بمجرد متبقى بعيد
واصلا هما من الاول محسوش بيك

وكان لازم حكايتنا تموت واكيد
اللى بيبقى بيحبك بيمسك فيك

طريقته جديده في طلب البُعد مختلفه
واسلوب شيك بحيه عليه
دا شكله كان مرتبهالى من مده
وجه الوقت المناسب ليه واقول انا ايه؟
دخلت علاقه من الاول كانت خايبه
مجازفه مكنش ليها لازمه اضيع وقت فيها كتير
خساره بجد انا ابقى عشانه متضايقه
خلاص خلصت حكايتنا وشايفه فراقنا يمكن خير