الوالد :يا بنتي يا نفنافه انتبهي لي ع هالجرة

مليانه عرق صافي مقطر قطرة ورا قطرة

انا واصل عالدكانه دبر مازة حرزانة

جبنة ولبنة ولحمة وكبة ونعمل جلسة عمرانة

ونعمر سهرة ونفقعها سكرة

يا بنتي يا نفنافه انتبهي لي ع هالجرة

نفنافه :قل لي يا قلب احكي لي يا قلب

بانطر الجرة يا اما با نطر الحب ؟

اذا نده لي طل ونده لي رح اترك اهلي وإلحق الحب

ايلي شويري :العوافي يا صبيه

نفنافه :عوافي عوافي

شويري :شو اسمك يا صبية ؟

نفنافه :اسمي نفنافه

شويري :نفنافه شو هاللطافة ؟

شو هالنحافة ؟

يا هبة هوا دافي على صفصافة يا نفنافة

نفنافه :انت مين ؟

شويري :انا كنت مارق هون في شي ندهني هون

يا نفنافه تعي نتشرد بهالحفافي و نضيع و نسعد

ونلعب عالنهر الصافي بهالحفافي يا نفنافه

نفنافه :قل لي يا قلب احكي لي يا قلب

بانطر الجرة يا اما با نطر الحب ؟

شويري :شو بدك بالجرة اسبقيني عالمفرق

نفنافه :وبلكي رجع بي ؟

شويري :مش رح يرجع هلق

ياعيني اجت الرزقة واحضينا بجرة مليانة

يا ما احلى السكرة سرقة والليلة السهرة عمرانة

نفنافه :شه ؟ وينو ؟ اخد معه الجره و طار

بيصير ياهو انه الحب يكون غدار

قالوا لي الحب بيلطي عالدرب

بيسرق النوم بيسرق القلب ما قالوا لي بيسرق جرار

الوالد :مازال سرقت الجرة الملياني عرق صافي

الليلة الليلة بهالسهرة رح جوزك نفنافه

شويري :دخيلك شو عملت لك ؟

الوالد :بدك تتجوز على طول

شويري :وشو رأيك يا نفنافه ؟

نفنافه :متل ما بي بيقول

شويري :اذا بدك تجوزني هالنفنافه الدلوعة

جوزني دخيلك بس عجل قبل ما اوعى

نفنافه :عجل قبل ما يوعى

الوالد :رح عجل قبل ما يوعى

شويري :وفي نصيحه للاخوان

بدنا نقولها لمين ما كان

يللي بدو يتجوز

يتجوز هوي و سكران