يوم حنان – مزعل فرحان

يوم حنان الحب ما تنكرينه

ليه أبتديتي لحظة وانتهيتي

حبي وإخلاصي وقلبي وأنينه

بي مفترق درب الليالي رميتي

عشتي بقلبي في روابي حنينه

من نبع حبي والحنان ارتويتي

رحتي وروحي في شقاها سجينه

لا ما علي بيوم واحد بكيتي

بسالك حب مات بالأمس وينه

وين الغرام اللي بدربه مشيتي

في شاطئ النسيان لا تدفنينه

وأنتي عليه العمر كله حييتي

كنتي وأنا لك بحر وأنتي سفينة

وصرتي حطام بالهوى واختفيتي

خان الزمان وشفت زينه وشينه

وعقبك ولا عني بيوم دريتي

الله معك دام الهوى مع سنينه

أصبح لنا ماضي وحلوه نسيتي