يا عالم كل ما ابديته – عيسى الاحسائي
يا عالم كل ما اخفيته وابديته
يا رازق الناس قاصيها ودانيها
يا منزل الغيث فوق القاع واحيته
على نزول المطر تنبت مراعيها
يا من خلقت البشر والرزق مديته
ترفق بحالي عليله وين اوديها
قال ابن قحطان زين العين لاقيته
اللي تباكا عيونه عند طاريها
مخلوق من قفى العربان جيته
ريم الفلا كمل الباري معاليها
والبيت قد لي سنه ما عاد مريته
كله علشان كلمة من تحديها
معاد جاني وانا جيته
غدر الليالي رمتنا في مراميها
عزيت نفسي وذاك الحب خليته
اصد عنها لو ان القلب يغليها
مليت بيت الغضى والحب مليته
يا من لي كبد كواها حب غاليها
وأنا على حب ظايا ما توجيته
ما كنت افكر بعشرتنا وتاليها
يا ما طلبني وانا يا ما ترجيته
وأسرارنا عن جميع الناس نخبيها
أحرقه قلب تملكته وخليته
يا صاحبي ما هقيت انك تسويها
انا كل ما يقبل – عيسى الاحسائي