يا ليل يا جامع على الود قلبين
لك عادةٍ تجمع قلوب الولايف
يا ليل ما ترحم قلوب المحبين
قلبين ضمتها الضلوع النحايف

يا ليل انا لي عن هوى البال شهرين
ليتك تقرب لي حسين الوصايف
يا ليل في قلبي من الشوق جرحين

و دوا جروحي بين هاك الشفايف

يا ليل فرق بيننا نازح البين
متى تشوف العين نابي الردايف
يا ليل شفته مرةٍ عقب عامين
وأنا من الفرقى على القلب خايف

يا ليل محلى نظرةَ العين بالعين
في غفلة الحساد تبرى الحسايف