ما لبى قلبي لغير صوتك يا لبيه
وان ما تلبي حروفي لبيتك سكوت
حي الذي كل طاري ذكره يحليه
يسحرني في همس الندا ولهفة الصوت

يشتاق لك قلبي وإسمك يسلي
يا شهد ورد الروض ويا سحر هاروت
ما يطيح قلبك والمحبه تعليه
وفي مهجتي له باني قصور وبيوت

انت الهوى يا غايته ويا تغلّيه
يتنفسك قلبي غلا عمره ما يفوت
يا مشاغبٍ فكري لو الفرض اصليه
أحيا على طيفك وبك روحي تموت


يا روض حسن ضاوي في تجليه
من كل بستان بك اوصاف ونعوت
قبلة عيوني بكل شطر توليه
في كل درب امشيه لك وجه منحوت

ما غيرك اللي بخاطري لو أمني
يا أحلى لحظات اللقاء بظوت وبخوت
إلا الغلا ما هو كلام يوفيه
إلا الغلا يا لبى قلب اعشقه موت

اللي به عيني حي تقر وتلبيه
يا بعد من لبى ويا حي هالصوت
ما لبى قلبي لغير صوتك يا لبيه
وان ما تلبي حروفي لبيتك سكوت