وينه اشوف ان ماله الطاري
ماتهمه علومي ولا اخباري
غايب بكيفه ماهو اجباري
معقوله ان قلبه تناساني
اشتاق له لو طالت المدة
واقعد واحسب الوقت واعدة
مانساه حتى ان طول الصدة
وشلون مايرجع على شاني
ولهان و ندمان و حيران
من يوم راح وغاب
والحال منصاب
خلي بدون اسباب
راح وجفاني
من غيبة الخلان
ضايق وتعبان
ماهو بقلب انسان
قلباً نساني

الوقت مرّ وقهوتي مرّة
وفرقى وليفي زوّد الحرّة
حزين صوتي كل ما اجره
كن الجمر مابين ضلعاني
ياكبر حظ اللي يشوفونه
ويستمتعون بنظرة عيونه
كنت السبب في ضحكة سنونه
واقفى ولا جيته ولا جاني
مبغاه و بجفاه و بنساه
ذنبك ماهو مغفور
مانته بمعذور
خليتني مكسور
صعب ْجبراني
ودعتك الله روح
ماعاد به روح
خليتني مجروح
منك أعاني