like-empty

كلمات

klmat.com

sun

وهبت قلبي

وهبت قلبي من زمن له محبه
غالي ولا يغلى على اللي أحبه
لو كان بإيدي أفرش خطاه بنجوم
هذي سواة اللي متيم وموهوم
أرخصت لأجله كل شي ما حسب لي
ليه أظلمه حظي معه ما كتب لي
عاد افترقنا مثل ما كان مقسوم
ومعاه قلبي ما خذيته إلى اليوم

أضيع مني كل ما الفكر جابه
أهيم ما أدري لين أنا عند بابه
واقف كما مسكين عايز ومحروم
أتوسد عتابه إلى هدني النوم
يسفر نهار وليل يسدل حجابه
تمرني الأوقات عندي تشابه
أنا حالي معكر ومسموم
من سكرة الأشواق ما أصحى ولا أنوم

إنساه إنوي النوايا مطيه
اللي جنيته حق نفسك خطيه
شاللي يحدك للشقا منت ملزوم
يا سهلها كلمه ويا صعبها عزوم
ما تفهومني كلكم حزب ضدي
ما ترحموني ليه أنا وش بيدي
هذا نصيبي اللي مقدر ومحتوم
ما جاتني فرحة وبدلتها هموم
like-empty

كلمات سهم

جاري التحميل...