حبي الك بالفطره
حب مستحيل اتفسره
انا الغرامك انتمي
تقريباً انت في دمي
يابو الحضاره الكبرى

منك صعب اتبرا
قلبي نذراك عمره
حبي الك ما ينتهي
يشبه وجه بغداد وقت القمرة

ياجنة الغرام
تضل دار السلام
بنهرك وبرك والسما
بكل شي نحبك موت

عشق ماله حدود
بالروح الك وجود
كل ذره بترابك وطن
طبعاً نحبك موت

يا شموخك يا جمالك
احنه عشنا من خلالك
انت بالروح

انت تاريخ وحضاره
وطن يصعب اختصاره
ساكن الروح

ويبقى اسمك بالقلب الى الابد
وراح نبقى ع الوعد
شقد صبرنا وعادي عدنا نصبر بحبك بعد


انت جميل هوايه
وعايش هواك ويايه
بالروح تاركلى أثر
مثل النقش على الحجر
انت الهدف والغاية

ومرات يتهيئلي
كنك تعيش بعقلي
ويايه اشيلك بالسفررر
وقت الظلام اتكون الي ضوايه

اول حبيب الي
بي قلبي ممتلي
يا بعد ناسي وكل هلي
حقنا نحبك موت

يا صانع الحروف
يا كاسر الضروف
فدوه اروح لهلوطن
كلنا نحبك موت

حتى لو مرتنا أزمه
يبقى اسمك أحلى كلمه
وحبك يزيد


يا ابونا وكل حياتك
لامنا جوه عباتك
شوفتك عيد

ويبقى اسمك بالقلب الى الأبد
وراح نبقى ع الوعد
شقد صبرنا وعادي عدنا نصبر بحبك بعد